“MSC” dörd 21 700 TEU-luq konteyner gəmisi sifariş edib
“MSC” iki yanacaqlı mühərrikləri olan və LNG yanacağı ilə işləyən dörd 21 700 TEU-luq konteyner gəmisi sifariş edib və daha dörd gəmi üçün seçim imkanı var.
“Seanews.az” “Loadstar”-a istinadən xəbər verir ki, gəmilər Çinin “Zhoushan Changhong International Shipyard” tərsanəsində inşa ediləcək.
Sifarişin dəyəri açıqlanmır, lakin “VesselsValue”-a görə hər bir gəmi 200 milyon dollar dəyərində qiymətləndirilir. İlk üç konteyner gəmisinin 2027-ci ildə, qalanlarının isə 2028-ci ildə təhvil verilməsi planlaşdırılır.
Ümumilikdə, son üç il ərzində “MSC” gəmiçilik şirkəti “Zhoushan Changhong”-a iyirmi 11 500 TEU-luq konteyner gəmisi və on iki 19000 TEU-luq gəmi sifariş edib.
“MSC”-nin gücü hazırda 2 milyon TEU-nu keçib. Eyni zamanda, “MSC”-nin sifariş kitabçası “ONE”-nin 1,97 milyon TEU tutumuna malik donanmasını üstələyir.
Yaxın iki-üç ildə ən böyük konteyner xətlərinin reytinqində “CMA CGM” hazırda ikinci yeri tutan “Maersk”-i keçərək “MSC”-dən sonra ikinci yerə yüksələ bilər. “CMA CGM”-nin sifariş kitabçası indi 1,32 milyon TEU təşkil edir. Yanvarın sonunda fransız daşıyıcısı Çinin “Jiangnan Shipyard” tərsanəsinə tutumu 18 000 TEU olan 12 konteyner gəmisi (o cümlədən dörd gəmi üçün seçim imkanı) və “HD Hyundai Heavy Industries”-ə 15,5 min TEU tutumlu 12 konteyner gəmisi sifariş edib. 2,5 milyard dollar dəyərində olan bu sifarişlər cari ilin ən böyük sifarişidir.
Bununla belə, 758,6 min TEU sifariş kitabçası olan “Maersk” 30-a yaxın konteyner gəmisi inşa etməyi planlaşdırır. Danimarka daşıyıcısı Çində 15 000 tonluq gəmilər tikməyi nəzərdən keçirir və həmçinin “Seaspan” ilə daha sonra uzunmüddətli icarəyə veriləcək konteyner gəmilərinin tikintisi ilə bağlı danışıqlar apardığı bildirilir.
