Yaponiyada “Mirai II” buzqıran gəmisi suya buraxılıb
Yaponiyada Dəniz-Yer Elmləri və Texnologiyaları Agentliyinin (JAMSTEC) sifarişi ilə inşa edilən “Mirai II” tədqiqat buzqıran gəmisini suya buraxılıb.
“Seanews.az” xəbər verir ki, bu barədə “Marine Link” nəşri məlumat yayıb.
Bütün işlərin tamamlanması 2026-cı ilin noyabrına planlaşdırılır.
Buz sinfinə aid tədqiqat gəmisinin uzunluğu 128 metr, eni 23 metr olacaq və 13 min ton yük daşıya biləcək. “Mirai II”-nin qalınlığı 1,2 metrə qədər olan buzları yarmağa qadir olacağı və həmçinin hava vəziyyətinin monitorinqi üçün pilotsuz uçan aparatlar və “Doppler” radarı ilə təchiz ediləcəyi deyilir. Tədqiqat gəmisi göyərtəsinə 34 heyət üzvü və 63 tədqiqatçı olmaqla 97 nəfər götürəcək.
“Mirai II” buzqıranının tikintisinə 2021-ci ildə Yokohamadakı “Japan Marine United” (“JMU”) şirkətinin “Isogo Works” tərsanəsində başlanıb. Müqavilənin dəyəri 219,5 milyon dollar qiymətləndirilir.
