"Norden" "Supramax" tipli gəmisini sataraq, "Panamax" tipli gəmi alıb
Danimarka gəmiçilik şirkəti "Norden" donanmasını optimallaşdırmaq məqsədilə yeni satış və alqı-satqı əməliyyatları həyata keçirib.
"Seanews.az" xəbər verir ki, şirkət "Supramax" tipli gəmilərindən birini satıb. Alıcı tərəfin adı və maliyyə detalları açıqlanmayıb.
Eyni zamanda, "Norden" donanmasına Yaponiyada tikilmiş "Panamax" tipli yük gəmisini əlavə edib. 2017-ci ildə inşa olunmuş 85 min DWT tutumlu bu geniş gövdəli gəmi suya dayaz oturumu ilə seçilir.
Yeni "Panamax"-ın 2025-ci ilin sentyabrında "Norden" donanmasına qoşulacağı gözlənilir.
Şirkət açıqlamasında qeyd edib: “Bu gəmi hazırkı yük tələblərimizlə sıx şəkildə uzlaşır və donanmamızı bazarın spesifik ehtiyaclarına uyğun optimallaşdırmaq strategiyamızı əks etdirir. Məqsədimiz müştərilərimizə dünya üzrə daha səmərəli və etibarlı daşımalar təqdim etməkdir.”
