"Diana Shipping" "Fednav" ilə yeni müqavilə bağlayaraq "Ultramax" gəmisi üzrə fraxt dərəcəsini artırıb
"Diana Shipping" şirkəti bu yaxınlarda Kanadanın quru yük daşımaları operatoru "Fednav" ilə yeni çarter müqaviləsi bağlayıb.
"Seanews.az" xəbər verir ki, bununla da şirkətin "Ultramax" tipli gəmilərindən biri üzrə gündəlik fraxt dərəcəsi təxminən 30% artıb.
2015-ci ildə inşa edilmiş 60 500 dedveyt daşıma qabiliyyətinə malik "DSI Pegasus" gəmisi 5% komissiya istisna olmaqla gündəlik 18 350 ABŞ dolları məbləğində fraxt dərəcəsi ilə çarterə verilib.
Müqavilənin 27 iyul tarixində qüvvəyə minməsi və ən azı 15 avqust 2027-ci il tarixinədək davam etməsi nəzərdə tutulur. Tərəflərin razılığı ilə çarterin 15 oktyabr 2027-ci il tarixinədək uzadılması da mümkündür.
Bu müqavilənin göstərilən dövr ərzində şirkətə təxminən 6,95 milyon ABŞ dolları məbləğində ümumi gəlir gətirəcəyi gözlənilir.
Yeni müqavilədən əvvəl "DSI Pegasus" gəmisi "Cargill" şirkəti tərəfindən gündəlik 14 250 ABŞ dolları dərəcəsi ilə istismar edilirdi. Beləliklə, "Fednav" ilə bağlanan yeni müqavilə üzrə gündəlik fraxt dərəcəsi 4 100 ABŞ dolları artıb. Cargill ilə əvvəlki çarter müqaviləsi 2025-ci ilin avqust ayında başlamış və bu ilin may–iyul ayları arasında başa çatmışdı.
