Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2023-02-05,
Seanews
Heyder Eliyev

Süveyş kanalının rəhbərliyi yaşıl enerjini təşviq edəcək

Aralıq dənizi ilə Qırmızı dənizləri birləşdirən Süveyş kanalının administrasiyası ekoloji cəhətdən təmiz enerjidən istifadə edən gəmiləri stimullaşdırmaq niyyətindədir.

“Seanews.az” xəbər verir ki, bu barədə Süveyş kanalı administrasiyasının rəhbəri Usamə Rabia Misirin Şarm əl-Əl Şeyx şəhərində BMT-nin İqlim Dəyişikliyi üzrə Çərçivə Konvensiyasının Tərəflərinin 27-ci Konfransı çərçivəsində keçən həftənin cümə günü keçirilən Karbonsuzlaşdırma Günündə bildirib.

Rabia, bütün sahələrdə yaşıl enerjiyə keçidlə bağlı deyib ki, Süveyş kanalının rəhbərliyi  tezliklə yaşıl hidrogen, təbii qaz və ya metanol kimi təmiz enerjidən istifadə edən gəmilər üçün yeni təşviqlər elan edəcək.

Kanal rəhbərliyi ənənəvi deyil, günəş enerjisi ilə işləyən 16 naviqasiya stansiyasının yaradılmasına, eləcə də onları idarə işçilərinin istifadə etdiyi qazla işləyən avtomobillərə çevirməyə başlayıb. Bundan əlavə, Yaxın Şərqdə yaxtalar üçün ilk ekoloji təmiz körpünün yaradılması planlaşdırılır. Bu fikri artıq Misir Prezidenti də bəyənib.

Süveyş kanalının iki qolu hazırda dünya yük axınının təqribən 12%-ni təmin edir, o, neftin tankerlərlə daşındığı dünyanın ən işlək su yollarından biridir. Oradan maye qaz daşıyan gəmilərin 8%-i keçir. Ümumilikdə ildə 19 minə qədər gəmi kanaldan keçir. Misirin Süveyş kanalının istismarından əldə etdiyi illik gəlir təxminən 7 milyard dollardır.


© Materiallardan istifadə edərkən hiperlinklə istinad olunmalıdır