Azərbaycan nəqliyyat infrastrukturunun inkişafı üçün çox böyük iş görü
“Bu cür mövzuları müzakirə etmək üçün Azərbaycandan yaxşı yer təsəvvür edə bimirəm”. Bunu Bakıda keçirilən “Argus” beynəlxalq neft sammitində çıxış edən “BP-Azerbaijan” şirkətinin prezidenti Qari Cons deyib. Yeni “Əsrin müqaviləsi”nə toxunan BP rəsmisi mövcud nəqliyyat infrastrukturu haqqında da danışıb: “Azərbaycan hökuməti 10 ildə bütün nəqliyyat infrastrukturunun inkişafı üçün çox böyük işlər görüb. Xəzərdə 270 gəmidən ibarət donanma var, cənab prezidentin BMT tribunasında dediyi kimi, 6 hava limanı var. Həmçinin, gələn il yeni dəniz limanının açılışı gözlənilir”. Q.Cons deyib ki, Azərbaycanın inkişaf etməsi üçün 3 əsas üstünlüyə malikdir: “Azərbaycan karbohidrogen ehtiyatları ilə zəngindir. Digər tərəfdən, Azərbaycanın coğrafi mövqeyi çox yaxşıdır. Bundan başqa, nəqliyyat və digər infrastruktura malikdir”.
