Total” şirkəti İranda fəaliyyətini dayandı
Fransanın “Total” neft şirkəti İranda fəaliyyətini dayandırdığını elan edib. Bunu şirkətin baş direktoru Patrik Puyanne bildirib. O, bu addımı ABŞ-ın İrana qarşı sanksiyaları ilə əlaqələndirib: “Biz ABŞ-ın qanunlarına əməl edirik və buna görə də gəlirli İran bazarından çıxırıq”. Baş direktorun sözlərinə görə, ABŞ-ın maliyyə sisteminə daxil olmadan dünyanın 130 ölkəsi ilə əməkdaşlıq etmək mümkün deyil. P.Puyanne deyib ki, “Cənubi Pars” qaz yatağının 11-ci fazasından çıxmaqla 40 milyon dollar ziyan edəcəklər: “Günlərin bir günü “Total” yenidən İrana qayıdacaq. İldə 15 milyard sərmayə yatıran şirkətimiz üçün 40 milyon dollar heç nədir”. Report
© Materiallardan istifadə edərkən hiperlinklə istinad olunmalıdır
