İyunun 1-dən Panama kanalından hər gün 32 gəmi keçəcək
2024-cü il iyunun 1-dən Panama kanalından keçən gəmilərin sayı 24-dən 32-yə yüksələcək.
“Seanews.az” xəbər verir ki, Panama Kanalı Administrasiyasının məlumatında belə deyilir.
Bildirilir ki, bundan sonra kanaldan hər gün “Panamax” tipli 24 və “Neopanamax” tipli 8 gəmi keçə biləcək.
Bu artım Panamada yağışlı mövsümün başlaması ilə izah olunur ki, bu da öz növbəsində Qatun və Alahuela süni su anbarlarında suyun səviyyəsinə müsbət təsir göstərir.
Əslində bölgədə gəmilərin hərəkəti artıq may ayında, kanaldan gündəlik keçən gəmilərin sayı 24-dən 27-yə yüksəldiyi zaman daha da intensivləşdi. Lakin bu, əvvəlki illərlə (gündə 36-38 gəmi) müqayisədə hələ də aşağıdır.
© Materiallardan istifadə edərkən hiperlinklə istinad olunmalıdır
