2028-ci ilədək Murmansk vilayətində Belarus üçün liman tikiləcək
Murmansk vilayətində Belarus mallarının aşırılması üçün limanın tikintisinin vaxtı aktual olaraq qalır.
"Seanews.az" xəbər verir ki, bu barədə Belarusun Baş naziri Roman Qolovçenko “Belarus-1” telekanalında bildirib.
“Bu istiqamətdə fəal iş aparılır, artıq ilk sənədlər imzalanıb - layihədən əvvəl bütün lazımi razılıqlar Rusiya Federasiyasının rəhbərliyindən, hökumətdən və Murmansk vilayətindən alınıb, göstərilən müddət qüvvədə qalır – 2028-ci il”, - deyib.
Xatırladaq ki, Belarus Respublikası yüklərinin aşırılması üçün Murmansk vilayətində limanın tikintisinə dair müqavilə bu ilin aprelində imzalanıb.
Murmansk vilayətinin qubernatoru Andrey Çibisin sözlərinə görə, limanın təxmini gücü ildə 25 milyon ton olacaq. "Arktika Qapıları" Dəniz Terminalı şirkəti artıq Kola bölgəsində qeydiyyatdan keçib.
Bundan əvvəl bildirilmişdi ki, Murmanskda tikiləcək liman Belarus şirkətinə məxsus olacaq.
