Asiya tərsanələrinin sifariş kitabında LNG daşıyıcıları və konteyner gəmiləri üstünlük təşkil edir
LNG daşıyıcıları və konteyner gəmiləri Asiya tərsanələrinin sifariş kitabında üstünlük təşkil edir.
“Seanews.az” xəbər verir ki, bu barədə “Splash” gəmi brokeri Braemarın son hesabatına istinadən yazır.
Braemarın sözlərinə görə, “CMA CGM” gəmiçilik şirkəti “Samsung Heavy Industries”-ə 8 min TEU tutumlu altı LNG konteyner gəmisi sifariş edib. Bundan əlavə, daşıyıcı eyni gəmiqayırma zavodu ilə 15 min TEU tutumlu 12-dək konteyner gəmisi sifariş etmək niyyətindədir.
Çinin “Jiangnan” və “Hudongare” tərsanələri 2029-cu ilə qədər mərhələlərlə çatdırılması planlaşdırılan 13-14 min TEU tutumlu bir neçə konteyner gəmisinin tikintisi ilə bağlı müştərilərlə danışıqlar aparır. “Biz yayda daha çox yeni sifarişlərin veriləcəyini gözləyirik”, - deyə “MB Shipbrokers” sitat gətirir.
BIMCO-nun hesabatına görə, dünya üzrə sifariş kitabı hazırda 133 milyon CGT (kompensasiya olunmuş ümumi ton) təşkil edir ki, bu da sifariş kitabının minimum olduğu 2020-ci illə müqayisədə 56 milyon CGT artım deməkdir. Bu artımın 35%-ni LNG qaz daşıyıcıları, 30%-ni konteyner gəmiləri təmin edib.
Bu ilin yanvar-may aylarında LNG qaz daşıyıcıları üçün sifarişlərin sayı 2023-cü ilin eyni dövrü ilə müqayisədə 129% artaraq 34 gəmidən 78 gəmiyə çatıb.
