ABŞ, Finlandiya və Kanada buzqıran gəmilərini artıracaqlar
ABŞ, Finlandiya və Kanada Rusiya və Çini qabaqlamaq üçün buzqıran gəmilərdən ibarət donanma yaratmaq üçün qüvvələri birləşdirməyə razılaşıblar.
Amerika liderinin milli təhlükəsizlik üzrə müşavirinin müavini Dalip Sinq bildirib ki, ABŞ, Finlandiya və Kanada prezidentləri .buzqıran gəmilərin istehsalı sahəsində əməkdaşlıq üçün üçtərəfli mexanizm yaratmaq niyyətlərini açıqlamağa hazırlaşırlar.
NATO-nun Vaşinqton sammiti ərəfəsində rəsmən elan ediləcək razılaşma məlumat mübadiləsini, işçi qüvvəsinin hazırlanması sahəsində əməkdaşlığı, eyni zamanda müttəfiqlərə və tərəfdaşlara ABŞ, Finlandiya və ya Kanada gəmiqayırma zavodlarından buzqıran gəmilərin alınması təklifini nəzərdə tutur.
Müttəfiqlərin ilin sonuna kimi rəsmi anlaşma memorandumu imzalamağı planlaşdırdığı, daha sonra isə sazişin icrasına başlanacağı bildirilir.
ABŞ administrasiyasının yüksək rütbəli rəsmisinin sözlərinə görə, hazırda ABŞ-da cəmi iki qütb buzqıran gəmisi var və onların istismar müddəti başa çatmaq üzrədir.
Qeyd edək ki, Kanadada 20, Finlandiyada 8 buzqıran gəmi var və bu say hazırda donanmsında 40 belə gəmiyə sahib olan və yenilərini tikən Rusiya Federasiyasından azdır.
