Argentinada meymun çiçəyi şübhəsi ilə xarici gəmi karantinə alınıb
Braziliyadan gələn “Ina Lotte” (Liberiya bayrağı) gəmisi Argentinada meymun çiçəyi şübhəsi ilə karantinə alınıb.
“Seanews.az” xəbər verir ki, bu barədə ölkənin Hərbi Dəniz Qüvvələri məlumat yayıb.
Gəminin taxıl yükü üçün Parana çayı ilə San-Nikolas limanı vasitəsilə Santa Fe əyalətinə getdiyi dəqiqləşdirilir. Kapitan meymun çiçəyi əlamətləri olan bir xəstə haqqında məlumat verib. Yük daşıyıcısı lövbər saldıqdan sonra həkimlər qrupu gəmiyə minərək bütün lazımi testləri keçirib.
Tədqiqat nəticələri hazır olana qədər heyət üzvlərinə gəmini tərk etmək qadağandır. Ölkənin Səhiyyə Nazirliyi belə hallar üçün nəzərdə tutulan protokolu aktivləşdirdiyini təsdiqləyib.
© Materiallardan istifadə edərkən hiperlinklə istinad olunmalıdır
