tik dənizi ilə bağlı məsələ 40 ildən sonra həll ol
Polşa və Danimarka Baltik dənizində sərhədlərin delimitasiyası haqqında razılaşma imzalayıblar. Polşa Xarici İşlər Nazirliyindən bildirilib ki, razılaşma 40 illik danışıqlardan sonra əldə edilib. Ölkələr Baltik dənizində, İsveçin Bornholm adasından cənubda yerləşən dəniz iqtisadi zonasını öz aralarında bölüblər. Polşa XİN-in başçısı Yatsek Çaputoviç deyib: “Bugünkü imzalanma mərasimi ikitərəfli münasibətlərimizdə mühüm gündür. O göstərir ki, ikitərəfli maraq, qarşılıqlı hörmət və ehtiram olduqda, hətta uzun sürən mübahisələrin dinc yolla səmərəli həlli mümkündür. Qeyd edək ki, Norveçdən Polşaya çəkilən “Baltic Pipe” qaz kəməri bu zonadan keçəcək. Həmin qaz kəmərini 2022-ci ilin payızında işə salmaq planlaşdırılır. Azərtac
