Husilər ötən ilin noyabrından bəri 190-dan çox gəmiyə hücum ediblər
Yəmənin “Ənsar Allah” üsyançı hərəkatından olan husilər 2023-cü ilin noyabr ayından bəri Böyük Britaniya, İsrail və ABŞ ilə əlaqəli olduğuna inandıqları ən azı 193 gəmiyə hücum ediblər.
AZƏRTAC xəbər verir ki, bu barədə “Al Masirah” telekanalında çıxışı zamanı hərəkatın lideri Əbdülməlik əl-Husi deyib.
Onun sözlərinə görə, göstərilən müddət ərzində üsyançılar İsrailə və müxtəlif gəmilərə ən azı min raket atıblar. Onlar, həmçinin ABŞ-ın ən azı 11 “MQ-9 Reaper” kəşfiyyat və hücum pilotsuz təyyarəsini vurublar.
© Materiallardan istifadə edərkən hiperlinklə istinad olunmalıdır
