Avropa Komissiyası konteyner daşıyıcısına “HHLA” səhmlərinin təxminən yarısını almağa icazə verib
Avropa Komissiyası İsveçrənin konteyner daşıyıcısı “Mediterranean Shipping Company”-yə (“MSC”) Hamburqun ən böyük liman operatoru olan “HHLA Hamburger Hafen und Logistik” (“HHLA”) şirkətinin səhmlərinin demək olar ki, yarısını almağa icazə verib.
“Seanews.az” xəbər verir ki, bu barədə Avropa Komissiyasının mətbuat xidməti məlumat yayıb.
Xatırladaq ki, dünyanın ən böyük konteyner daşıyıcılarından biri olan “Mediterranean Shipping Company” Hamburq bələdiyyəsi ilə “MSC” şirkətinə “HHLA Hamburger Hafen und Logistik”-in səhmlərinin 49,9%-ə qədərini almağa imkan verən müqavilə imzalayıb. Hamburq isə 50,1% payı özündə saxlayacaq.
© Materiallardan istifadə edərkən hiperlinklə istinad olunmalıdır
