“Evergreen”-in mənfəəti üç dəfə artıb
Tayvanın “Evergreen Marine” gəmiçilik şirkətinin xalis gəliri üç dəfədən çox artıb. Belə ki, 2023-cü ildə mənfəəti 1 milyard dollar olan şirkət 2024-cü ili 4,3 milyard dollar məfəətlə başa vurub.
“Seanews.az” xəbər verir ki, bu barədə “TradeWinds” şirkətin hesabatlarına istinadən yazır.
Daşıyıcının gəliri 2023-cü ildəki 8,4 milyard dollardan 2024-cü ildə 12,7 milyard dollara yüksəlib (+67%).
Şirkət 2024-cü il üçün mənfəətinin yarısını səhmdarlara ödəməyi planlaşdırır.
Mütəxəssislər qeyd edirlər ki, “Evergreen”-in yüksək göstəricilərinə Qırmızı dənizdəki böhran və gəmilərin Ümid burnu marşrutuna yönəldilməsi birbaşa təsir edib ki, bu da öz növbəsində yükdaşıma tariflərini artırıb.
Tayvan operatorunun maliyyə hesabatında şirkətin 2024-cü ildə “Sun Lanes Shipping”-dən tutumu 20 000 TEU olan konteyner gəmisi aldığı da bildirilir.
