Kipr və Yunanıstan arasında bərə səfərləri gələn aydan bərpa olunacaq
Kiprin gəmiçilik nazirinin müavini Marina Hacımanoli və podratçı “Scandro Holding Ltd” Kipr ilə Yunanıstan arasında bərə səfərlərinin bərpa olunduğunu bildiriblər. Gəmilər Limassol və Pirey arasında sentyabrın 2-dək fəaliyyət göstərəcək.
Bu barədə “Seanews.az” “Cyprus News Butterfly”-a istinadən xəbər verir.
Son üç ildə bu xətt üzrə bərələr 22 582 min sərnişin və 7 641 avtomobil daşıyıb. Nazir müavininin ehtimalına görə, xidmət digər qonşu ölkələrlə yeni dəniz əlaqələri üçün zəmin yarada bilər.
“Scandro Holding Ltd”-nin baş direktoru Haralambos Manolis təsdiqləyib ki, 22 səfəri nəzərdə tutulan “Daleela” gəmisi ilk səfərinə 31 may - şənbə günü Limassoldan çıxacaq. Mövsümün son səfəri isə 2 sentyabrda Pireydən başlayacaq.
© Materiallardan istifadə edərkən hiperlinklə istinad olunmalıdır
