“CMA CGM” Belçikanın “Air Belgium” yük avia şirkətini almaq üçün müraciət edib
Fransanın “CMA CGM” konteyner xətti Belçikanın “Air Belgium” yük avia şirkətini almaq üçün müraciət edib.
“Seanews.az” “Splash”-a istinadən xəbər verir ki, bundan əvvəl “Air Belgium”-un “Air One Belgium” konsorsiumu tərəfindən alınması barədə razılaşma ləğv edilib və konsorsium qərardan apellyasiya şikayəti verib.
“CMA CGM” şirkətinin təklifinə məhkəmə tərəfindən baxılacaq. Gələcək sövdələşmə “Air Belgium” brendini saxlamaqla yük əməliyyatlarının həyata keçirilməsini və həmçinin onun dörd təyyarəsinin alınmasını nəzərdə tutur.
Qeyd edək ki, “CMA CGM” gəmiçilik şirkəti 2021-ci ildə “CMA CGM Air Cargo” avia bölməsini yaradıb. Hazırda dörd yük təyyarəsi var. Bu il avia donanmasına daha iki hava gəmisi daxil edəcək. 2026-cı ildən etibarən “CMA CGM Air Cargo” öz daşıma imkanlarını daha səkkiz yeni nəsil “A350” təyyarəsi ilə artırmaq niyyətindədir.
