“A.P. Moller-Maersk” şirkətlər qrupu Nyu-York və Nyu-Cersi limanları ilə “APM Terminals Elizabeth”-in icarə müddətini uzatmaq barədə razılığa gəliblər
“A.P. Moller-Maersk” şirkətlər qrupu Nyu-York və Nyu-Cersi limanları administrasiyası ilə “APM Terminals Elizabeth”-in icarə müddətini 33 il – 2062-ci ilin dekabrınadək uzatmaq barədə razılığa gəliblər.
“Seanews.az” xəbər verir ki, əvvəlki razılaşmaya görə, icarə müddəti 2029-cu ildə başa çatmalı idi. Müqavilənin uzadılması terminal operatoruna infrastruktura daha böyük investisiyalar yatırmağa imkan verəcək ki, bu da öz növbəsində konteyner dövriyyəsini artıracaq. Əvvəlki illərdə şirkət terminalın modernləşdirilməsinə 200 milyon dollar xərcləyib. Bu vəsaitə həm də dörd yeni portal kran alınıb.
“APM Terminals Elizabeth” Şimali Amerikanın Şərq sahilində “APM Terminal”-ın ən böyük terminalıdır. İllik konteyner aşırma həcmi 2,3 milyon TEU-dur.
“APM Terminals” liman və terminal operatoru “A.P. Moller-Maersk” qrupuna daxildir və dəniz limanlarının, terminalların layihələndirilməsi, tikintisi, idarə edilməsi və istismarı üzrə ixtisaslaşıb. “APM Terminals”-ın beynəlxalq şəbəkəsi 65 terminal və 117 daxili logistika mərkəzini əhatə edir.
