“ICTSI” 2025-ci ilin yanvar-martında liman əməliyyatlarından 745,42 milyon dollar gəlir əldə edib
Filippinin terminal operatoru ”International Container Terminal Services” (“ICTSI”) 2025-ci ilin yanvar-mart aylarında liman əməliyyatlarından 745,42 milyon dollar gəlir əldə edib. Bu, 2024-cü ilin birinci rübü ilə müqayisədə 17% artım deməkdir.
Faizlər, vergilər, amortizasiya xərclərindən əvvəlki gəlir (EBITDA) 18% artaraq 489,59 milyon dollara, şirkətin xalis mənfəəti isə 14% artaraq 239,54 milyon dollara çatıb.
“Seanews.az” xəbər verir ki, bu rəqəmlər “ICTSI”-nin 2025-ci ilin birinci ili rübü üçün maliyyə hesabatında əks olunub.
2025-ci ilin yanvar-mart aylarında “ICTSI” terminallarının ümumi konteyner ötürmə qabiliyyəti 3 471 913 TEU təşkil edib ki, bu da keçən ilin eyni dövrü ilə müqayisədə 12% çoxdur.
Qeyd edək ki, ”International Container Terminal Services” (“ICTSI”) şirkətlər qrupu 1988-ci ildə Manilada (Filippin) yaradılıb. Şirkət beynəlxalq limanların idarə edilməsi, inkişafı və istismarı ilə məşğul olan müstəqil konteyner terminalı operatorudur. “ICTSI” 6 qitənin 20 ölkəsində 33 konteyner terminalını idarə edir.
