Aprel ayında Türkiyə limanları 5 minə yaxın gəmi qəbul edib
Bu ilin aprel ayında Türkiyə limanları 4 min 763 gəmi qəbul edib.
Trend xəbər verir ki, bu barədə TurkicWorld-ə Türkiyənin Nəqliyyat və İnfrastruktur Nazirliyindən məlumat verilib.
Məlumata görə, bu dövrdə Türkiyə limanlarına digər ölkələrin bayraqları altında qəbul edilən gəmilərin sayı 1 614, Türkiyə bayrağı altında qəbul edilən gəmilərin sayı isə 3 149 olub.
2025-ci ilin yanvar - aprel ayında Türkiyə limanları 18 min 37 gəmi qəbul edib.
“Bu müddət ərzində Türkiyə limanları tərəfindən qəbul edilən digər ölkələrin bayraqları altında olan gəmilər 5 min 818, Türkiyə bayrağı altında olan gəmilər isə 12 min 279 olub”, - deyə nazirlikdən bildirilib.
© Materiallardan istifadə edərkən hiperlinklə istinad olunmalıdır
