Sərt ekoloji tənzimləmələr və zəif iqtisadi artım bunker yanacağına tələbatı azaldacaq
Ekoloji qaydaların sərtləşdirilməsi və qlobal iqtisadi artımın zəifləməsi nəticəsində yaxın illərdə bunker yanacağına tələbat azalacaq.
“Seanews.az” xəbər verir ki, bu barədə Beynəlxalq Enerji Agentliyindən (IEA) bildirilib.
IEA-nın illik hesabatında qeyd olunur ki, 2024–2030-cu illər ərzində bunker yanacağına tələbat gündəlik təxminən 5 milyon barel səviyyəsində sabit qala bilər. Bu da zəif iqtisadi inkişafı və sərt ekoloji standartlar nəticəsində artan xərclərlə izah olunur.
Təşkilat bildirir ki, Qırmızı dənizdəki hücumlar səbəbindən ötən il bir çox gəmiçilik şirkətləri Süveyş kanalını keçmək əvəzinə daha uzun marşrutlara üstünlük verib. Bu, bunker satışlarını müvəqqəti olaraq artıraraq əlavə 140,000 barel/gün tələb yaradıb. Lakin bu artım tendensiyadan kənara çıxmayıb.
