Drewry: Dünya konteyner indeksi bu həftə 6% azalıb
“Drewry Supply Chain Advisors” şirkətinin qiymətləndirməsinə əsasən, bu həftə konteyner daşımaları üzrə tariflər azalma tendensiyasını davam etdirib. Şirkətin birləşdirilmiş “World Container Index” göstəricisi 6% geriləyərək 40 futluq konteyner üçün 2 119 ABŞ dollarına düşüb.
"Seanews.az" qiymətləndirməyə istinadən xəbər verir ki, Şanxay–Rotterdam marşrutu üzrə fraxt dərəcələri 10% və ya 312 dollar azalaraq 2 661 ABŞ dollarına enib. Rotterdam–Şanxay marşrutu üzrə isə 2% və ya 10 dollar azalaraq 467 ABŞ dolları təşkil edib.
Şanxay–Cenova istiqamətində tariflər 5% və ya 136 dollar ucuzlaşaraq 2 842 ABŞ dollarına, Şanxay–Los Anceles istiqamətində isə 3% və ya 80 dollar azalaraq 2 332 ABŞ dollarına düşüb. Şanxay–Nyu-York marşrutu üzrə fraxt dərəcələri də 5% və ya 172 dollar azalaraq 3 291 ABŞ dolları olub.
Los Anceles–Şanxay və Rotterdam–Nyu-York marşrutları üzrə tariflər müvafiq olaraq 714 və 1 956 ABŞ dolları səviyyəsində dəyişməz qalıb. Nyu-York–Rotterdam marşrutu üzrə isə bu həftə 1% və ya 6 dollar artım qeydə alınıb və tarif 845 ABŞ dolları təşkil edib.
