İndoneziyalı mədən şirkəti iki yerli gəmiçilik şirkətini satın alır
İndoneziyanın "Geo Energy Resources" şirkəti iki yerli gəmiçilik şirkətində – "Trans Maritim Pratama" (TMP) və "Bahari Segara Maritim"-də (BSM) 51 faiz pay almaq barədə razılıq əldə edib.
"Seanews.az" xəbər verir ki, bu şirkətlər birlikdə 27 yedəkçi və 27 barja sahibdir.
Hər iki alqının ümumi dəyəri 127,5 milyon ABŞ dolları təşkil edir. Müqavilə səhmdarların təsdiqindən sonra qüvvəyə minəcək. Satınalma şirkətin daxili resursları və əlavə səhm buraxılışı hesabına maliyyələşdiriləcək.
Sinqapur birjasında siyahıya alınmış "Geo Energy" hazırda törəmə müəssisələri vasitəsilə Kalimantanda və Cənubi Sumatrada dörd mədən konsessiyasına sahibdir. Bundan başqa, şirkət Kalimantanda yerləşən "Internasional Prima Coal" şirkətində 49 faiz paya malikdir.
© Materiallardan istifadə edərkən hiperlinklə istinad olunmalıdır
