Qvineya körfəzində tanker quldur hücumuna məruz qalıb
Qvineya Körfəzində, Togonun sahillərindən kənarda kimyəvi tankerə quldur hücumu olub.
"Seanews.az" xəbər verir ki, bu barədə Dəniz təhlükəsizliyi üzrə məsləhətçi şirkət "Vanguard Tech" məlumat yayıb.
Şirkət hadisəyə məruz qalan gəminin yüksək ehtimalla "Endo Ponente" kimyəvi tankeri olduğunu bildirib.
"Pole Star" tərəfindən təqdim edilən AIS məlumatlarına görə, "Endo Ponente" 28 avqust səhəri Lomedən hərəkət edib və cənuba doğru 6–7 düyün sürətlə irəliləyib. Təxminən saat 18:30-da gəmi sağa dönərək sürətini bir düyünə qədər azaldıb.
"Endo Ponente" 2010-cu ildə inşa olunub, Malta bayrağı altında üzür.
"Vanguard Tech" əlavə edib ki, gəminin operatoru ilə əlaqə yaradılıb, rəsmi açıqlama gözlənilir.
© Materiallardan istifadə edərkən hiperlinklə istinad olunmalıdır
