"HD Hyundai Heavy Industries" ABŞ Hərbi Dəniz Qüvvələrinin gəmisində texniki qulluq, təmir və yenilənmə layihəsinə başlayıb
ABŞ Hərbi Dəniz Qüvvələrinin 7-ci Donanmasına daxil olan 41.000 tonluq təminat gəmisi "USNS Alan Shepard" planlı texniki baxış və təmir üçün Ulsandakı "HD Hyundai Mipo" yaxınlığında yerləşən "Yeompo Pier"-ə daxil olub.
"Seanews.az" xəbər verir ki, bu gəmi 210 metr uzunluğa və 32 metr enə malikdir.
Layihə çərçivəsində təhlükəsizlik avadanlıqlarının və obyektlərinin yoxlanılması, müxtəlif tankların texniki xidmətinin həyata keçirilməsi və avadanlıqların ümumi yoxlanışları nəzərdə tutulur. Proses tamamlandıqdan sonra gəminin ilin sonuna qədər yenidən ABŞ Hərbi Dəniz Qüvvələrinə təhvil verilməsi planlaşdırılır.
© Materiallardan istifadə edərkən hiperlinklə istinad olunmalıdır
