Yunanıstan on limanı satışa çıxaracaq
Yunanıstan 2020-ci ildə 10 əsas regional limanın istismarı üçün beynəlxalq tender elan edəcək.
Bu barədə Gəmiçilik və Ada Siyasəti naziri Yannis Plakiotakis kruiz gəmi sahibləri birliyi ilə görüşdə bildirib.
Nazir, həmçinin milli kruiz strategiyasının yaradıldığını da açıqlayıb.
Yunan Limanları Birliyinə görə, 2019-cu il Yunanıstanda kruizlər üçün uğurlu olub. Belə ki, ötən il Yunan limanlarını 3.899 gəmi və 5.5 milyondan çox sərnişin ziyarət edib.
Assosiasiyadan bildirilib ki, gəmilərlə ölkəyə gələn qonaqların sayı 15,64 faiz artıb.
© Materiallardan istifadə edərkən hiperlinklə istinad olunmalıdır
