Yunanıstanın Skiatos adası dünyanın ən gözəl çimərliklərinin olduğu məkan adına layiq görülüb
“Conde Nast Traveller” turizm üzrə qabaqcıl jurnalın oxucuları Yunanıstanın Skiatos adasını dünyanın ən gözəl çimərliklərin yerləşdiyi məkan olduğunu bildiriblər.
AZƏRTAC xəbər verir ki, jurnalın 600 min oxucusu məhz bu adaya səs verib. Qeyd olunub ki, Skiatos ən məşhur istiqamətlərdən biridir. Burada 60 hotel yerləşir. Adanın turistik məkanlarında yüksək səviyyədə xidmət, infrastrukturu, çimərlikləri hər il buraya çox sayda turistin gəlməsinə səbəb olur. Skiatosdan sonra Kulebra, Borakay, Kiava, Palay, Seyşel adaları, Xilton Xed Aylend, Kuk adaları, Uitsandey və Anqilya siyahıda ən gözəl adalar seçilib.
© Materiallardan istifadə edərkən hiperlinklə istinad olunmalıdır
