Bəzi limanlar fəaliyyətə başlasa da, digərlərində hələ də məhdudiyyətlər var
Koronavirus pandemiyası səbəbindən tətbiq edilmiş məhdudiyyətlərlə bağlı bəzi limanların fəaliyyətində dəyişikliklər baş verib.
Bəzi ölkələrin rəhbərlikləri dənizçilərin hüquqlarının müdafiəsi ilə bağlı beynəlxalq təşkilatların tələb və tövsiyələrini nəzərə alaraq və onlar üçün bəzi məhdudiyyətləri aradan qaldırıb, bəzi ölkələr isə əksinə, pandemiyanın səbəbindən vəziyyətin pisləşdiyi üçün məhdudiyyətləri daha da sərtləşdirib.
Beynəlxalq Brokerlər və Agentlər Beynəlxalq Assosiasiyaları Federasiyasından (FONASBA) verilən məlumata görə, son bir neçə gün ərzində aşağıdakı ölkələrdə limanların fəaliyyəti ilə bağlı məlumatlar yenilənib.
Avstraliya
Avstraliya Hökuməti, bütün əyalətlər və ərazilərində qeyri-kruiz gəmilərinin heyət üzvləri üçün qeydiyyatda olduğu yerdən iş yerlərinə maneəsiz gediş-gəlişi təmin edəcək.
Kruiz gəmilərinin heyət üzvlərinə isə sahilə eniş qadağan edilib. Ölkənin daxili sularında olan kruiz gəmilərinə isə ölkəni tərk etmək əmri verilib.
Əlcəzair
Bütün limanlar ixrac və idxal üçün açıqdır. Əlcəzairdəki Jen-Jen limanları və DPW konteyner terminalı istisna olmaqla komendant saatı zamanı gecə növbələri məhdudlaşdırılmır.
Gecə Əlcəzairdə və Oranda taxıl daşıyan gəmiləri, Arzevdə tankerləri və qaz daşıyıcılarını təmin etməyə icazə verilir.
Əlcəzairdə limana gəlməmişdən 48 saat öncə kapitan aşağıda sadalanan məlumatları təqdim etməlidir:
Heyət üzvlərinin siyahısı, dəyişdirilmiş heyət üzvlərinin siyahısı, dənizçilərin bədən hərarəti barədə məlumat, daxil olduğu son 10 limanın siyahısı, tibbi-sanitar deklarasiya.
Jen-Jen, Bejaya və Əlcəzairdə tətbiq olunan qaydalara əsasən gəmilər, sahibləri və ya operator tərəfindən öz hesabına məcburi dezinfeksiya edilməlidir.
Heyət dəyişikliyi qadağan edilib. Sahil enmə forsmajor hallar istisna olmaqla qadağandır.
Braziliya
Braziliyanın qeyri-vətəndaşları üçün sahilə enmə aprelin 15-dən 30 günlük qadağan edilib.
İsrail
İnfeksiyanın yayılmasının qarşısını almaq üçün hansı limandan gəldiyindən asılı olmayaraq məhdudiyyətlət bütün gəmilərə aid olunur.
Sahilə eniş yalnız İsrail vətəndaşlarına icazə verilir. Başqa ölkərin vətəndaşı olan heyət üzvləri və sərnişinlər gəmidə qalmalıdırlar.
Kipr
Öncə tətbiq olunan bütün qaydalar və məhdudiyyətlər aprel ayının sonuna qədər uzadılıb.
Finlandiya
Finlandiyada, 19 Mart - 13 May tarixlərində sərhəddə nəqliyyat üçün məhdudiyyət tətbiq edilib. Finlandiyaya qayıdan Finlandiya vətəndaşları və Finlandiya yolu ilə vətənə qayıdan Avropa Birliyinin vətəndaşları istisna olmaqla, sərnişin daşınması və turist səyahətləri məhdudlaşdırılıb.
Yük daşımalarına icazə verilir.
Heyət dəyişikliyinə icazə verilir. Viza tələb edən ölkələrin vətəndaşları üçün viza tələbləri qüvvədədir. Dənizçinin gəmi ilə ölkəni tərk etməsi şərti ilə limanın yerləşdiyi yerdə sahilə enməyə icazə verilir.
Limanda iş, liman operatorunun razılığı ilə heyət üzvləri tərəfindən həyata keçirilə bilər.
Liman ərazisini tərk etmək yalnız həkimə və aptekə getmək lazım olduqda icazə verilir.
Helsinki, Turku, Vaasa və Longnes (Aland adaları) limanlarında yalnız yük əməliyyatları aparılır. Yalnız Finlandiya və Avropa Birliyinin vətəndaşlarının sahilə enməsinə icazə verilir.
Ekeryo, Eurayoki, Försundet, Förbyu, Hamina, Hanko, Haukiputa, İnkoo, Kalayoki, Kaskiset, Kemi, Kemio, Kikkonummi, Kokkola, Kotka, Kristinanpunki, Lappeenranta, Loviisa, Marianhamina, Nantaivemak, Merantian, Merantian, Merantian, Merantian, Merantamiya Pernaya, Pietrarsaari, Pohja, Pori, Porvoo. Raahe, Rauma, Salo, Sipoo, Taalintehdas, Tammisaari, Tornio və Uusikapunki limanlarında yalnız yük daşıma əməliyyatları həyata keçirilir.
