Yük gəmisi ilə balıqçı gəmisi toqquşub
Vyetnamın cənub-şərqindəki Bin Tuan əyalətinin sularında yük gəmisi ilə balıqçı gəmisi toqquşub.
"Seanews.az" xəbər verir ki, hadisə nəticəsində ciddi xəsarət alan “BTh 89719” balıqçı gəmisi batıb. Gəminin 6 nəfərdən ibarət heyət üzvü suya atılıb. Onlar yaxınlıqda olan digər balıqçı gəmisi “BTh 85097” tərəfindən xilas edilib.
Hadisəni törədən yük gəmisi isə dayanmadan ərazidən uzaqlaşıb. Dənizçiləri xilas edən “BTh 85097” gəmisinin heyətinin sözlərinə görə, qəzanı Filippinə məxsus “White Tomony” yük gəmisi törədib.
Hadisədən sonra yük gəmisinin marşrutunu təyin etmək mümkün olmayıb. Gəmi mayın 3-də Vyetnamın şimalındakı “Cam Pha” limanına yan alıb.
© Materiallardan istifadə edərkən hiperlinklə istinad olunmalıdır
