Dəniz elektrik stansiyaları hidrogen istehsalı layihəsində iştirak edəcəklər
Hollandiya enerji şirkəti “Eneco” ekoloji cəhətdən təmiz hidrogen əldə etmək üçün “Neptune Energy” şirkəti ilə əməkdaşlığa başlayıb.
"Seanews.az" xəbər verir ki, layihənin pilot şəklində işə salınması Şimal dənizindəki külək generatorları vasitəsilə həyata keçiriləcək.
Bu məqsədlə “Eneco” şirkəti özünə aid “Eneco Luchterduinen” elektrik stansiyalarının fəaliyyət göstəriciləri əsasında hazırlanmış bir sıra məlumatları təqdim edəcək. Şirkət bu məlumatlarla elektrik enerjisi və sonrakı elektroliz prosesini simulyasiya etmək üçün istifadə edəcək.
“Eneco” şirkəti layihənin texniki və informasiya dəstəyi ilə yanaşı, hidrogenin satışı və şəbəkəyə daxil edilməsi üçün yaşıl sertifikatlar hazırlamaqda maraqlıdır.
© Materiallardan istifadə edərkən hiperlinklə istinad olunmalıdır
