Peyindən əldə edilən yanacağı LNG gəmisində uğurla sınaqdan keçiriblər
Yeddi şirkətdən ibarət qrup “Ise Mirai” gəmisində dəniz yanacağı kimi mal-qara peyinindən əldə edilən mayeləşdirilmiş biometanın (LBM) sınağının uğurla başa çatdığını bildirib.
“Seanews.az”-ın məlumatına görə, karbon-neytral biokütlədən əldə edilən LBM-dən Yaponiyada ilk dəfə istifadə olunur.
Layihədə “MOL”, “Air Water”, “Techno Chubu Company”, “Kyoudou Kaiun”, “MOL Coastal Shipping”, “Cenergy” və “IHI Power Systems” iştirak ediblər.
İse körfəzindəki sınaq zamanı “Air Water” Yaponiyanın Ətraf Mühit Nazirliyi tərəfindən qəbul edilmiş texnologiyanın inkişafı və nümayiş etdirilməsi layihəsinin bir hissəsi olaraq mal-qara peyinindən əldə edilən LBM ilə təchiz edilmişdir. Testlər LBM-nin mövcud yerli LNG tədarük zənciri ilə nəql oluna biləcəyini təsdiqləyib. Yük maşınıdan gəmiyə LBM bunkerləri LNG tankerlərindən istifadə etməklə həyata keçirilə bilər.
LBM süd müəssisələrinə məxsus bioqaz qurğularından əldə edilən biometandan, təqribən mənfi 160 dərəcə temperaturda onun əsas komponenti olan metanın izolyasiyası və təmizlənməsi ilə mayeləşdirilərək hazırlanır. Sonuncu mayeləşdirildikdə həcminin 1/600-ə qədərini sıxmaq mümkün olur ki, bu da onun böyük miqyasda daşınmasına imkan verir. O, həm də mal-qara peyinindən hazırlandığından karbon neytral enerji mənbəyidir.
Gəmini “MOL Coastal Shipping”, “Techno Chubu” və “Kyoudou Kaiun” şirkətləri birgə tikilib və 2020-ci ilin dekabrında təhvil verilib. Bu, Yaponiyanın LNG ilə işləyən ilk okean yük gəmisidir.
