"SFA Federasiya Kuboku 2023" yarışlarına yekun vurulub
Bakıda Azərbaycan Yelkən Federasiyasının təşkilatçılığı və "Azərbaycan Xəzər Dəniz Gəmiçiliyi" QSC-nin (ASCO) dəstəyi ilə "SFA Federasiya Kuboku 2023" yarışları keçirilib.
Yarışlar, Optimist, ILCA və Windsurf sinifləri üzrə 22-24 sentyabr tarixlərində “Ramada by Wyndham Baku” sahilində yerləşən SFA yelkən mərkəzində baş tutub.
Mükafatlandırma mərasimində Optimist üzrə dünya çempionatına və ILCA 4 üzrə Avropa çempionatına qatılan millimizin üzvlərinə, cari il üzrə yay məktəbi iştirakçılarına, komandaya yeni seçilən idmançılara, "SFA Federasiya Kuboku 2023"ün qaliblərinə kubok, diplom və sertfikatlar təqdim olunub.
Tədbirdə Azərbaycan Yelkən Federasiyasının prezidenti Qüdrət Qurbanov, ASCO sədrinin müavini Zaur Nağıyev və Federasiyanın vitse-prezidenti Burcu Algon Giorgianni çıxış edib.
Həmçinin 2022-ci il üzrə SFA Federasiya Kubokunu qazanan idmançıların adları xatirə lövhəsində əks olunub.
Qeyd edək ki, "SFA Federasiya Kuboku” 6-cı ildir ki, ənənəvi şəkildə həyata keçirilir.
