Premyer Liqa: "Səbail" "Qəbələ"ni məğlub edib
Futbol üzrə Azərbaycan Premyer Liqasında XXV turun daha bir oyunu keçirilib.
Günün ilk matçında "Qəbələ" "Səbail"i qəbul edib.
Qarşılaşma paytaxt təmsilçisinin qələbəsi ilə bitib.
"Qırmızı-qaralar"ın heyətində 13-cü dəqiqədə Urfan Abbasov, 26-cı dəqiqədə Osama Xalayla fərqləniblər. Qonaqlardan isə 58-ci dəqiqədə Yusif Nəbiyev, 65-ci dəqiqədə Rüfət Abdullazadə, 90+1-ci dəqiqədə Nir Bardea adını taploya yazdırıb.
Bundan əlavə, "Qəbələ"nin müdafiəçisi Lukas Afriko 41-ci dəqiqədə birbaşa qırmızı vərəqə ilə meydandan qovulub.
Xallarının sayını 37-yə çatdıran "Səbail" ikinci pillədə qərarlaşıb. 15 xala malik bölgə klubu sonuncudur.
© Materiallardan istifadə edərkən hiperlinklə istinad olunmalıdır
