Qırmızı dənizdə yaranan gərginlik səbəbindən kabelçəkən gəmilərin sığortasının qiyməti gündəlik 150 min dollara çatır
Husilərin hücumları ilə əlaqədar Qırmızı dənizdə yaranan gərginlik səbəbindən Yəmən sahilləri boyunca dənizaltı rabitə kabelləri çəkən gəmilərin sığortalanmasının dəyəri gündəlik 150 min dollara çatır.
“Seanews.az” xəbər verir ki, belə bir iddia ilə “The Wall Street Journal” çıxış edib.
Nəşr yazır ki, kabelçəkən gəmilərinin yavaş sürəti mübahisəli sularda yeni xətlərin çəkilməsini təhlükəli və bahalı edir.
“Qazeta.ru” xəbər verir ki, potensial riskləri azaltmaq üçün kabelçəkən şirkətlər münaqişənin hər iki tərəfindən - beynəlxalq səviyyədə tanınmış Yəmən hökumətindən və husi üsyançılarından fəaliyyət göstərmək üçün icazə almaq yolları axtarırlar.
© Materiallardan istifadə edərkən hiperlinklə istinad olunmalıdır
