Bahalı yaxtalara tələbat azalır
Gəmiqayırma zavodlarında gecikmələr və qiymətlərin artması, eləcə də Rusiyadan gələn zəngin alıcıların bazarı tərk etməsi səbəbindən bahalı yaxtaların satışı 2023-cü ildə illik müqayisədə 17% azalıb.
“Seanews.az” xəbər verir ki, bu barədə “SuperYacht Times”-in hesabatında bildirilib.
2022-ci ildə 245, 2021-ci ildə isə rekord sayda - 313 yaxta satılsa da, ötən il cəmi 203 yaxta satılıb.
Analitiklər bunun səbəbini gözləmə müddətlərinin və yaxtaların qiymətlərinin artması ilə əlaqələndirirlər. “SuperYacht Times”-in araşdırma şöbəsinin rəhbəri Ralf Dazertin sözlərinə görə, uzunluğu 60 metrdən çox olan yeni yaxta sifariş edən alıcı 3-4 il gözləmək məcburiyyətində qalır. O, tərsanələrdəki gecikmələri pandemiyanın təsiri ilə əlaqələndirib.
“Yaxtaların qiyməti artan əmək və material xərcləri səbəbindən artır. Bu şərtlər altında 2024-cü ildə yeni super yaxtaların satışı bir az daha azalacaq", - analitik proqnozlaşdırır.
Uzunluğu 200 metrdən çox olan böyük super yaxtaların satışı xeyli azalıb, belə yaxtalar 2022-ci ilə nisbətən 40% az alınıb. Əsas səbəb Qərbin sanksiyaları ilə üzləşən zəngin rus alıcılarının bazarı tərk etməsidir.
"Ruslar çox ekstravaqant və çox böyük yaxtalar sifariş etməyə meyl edirdilər", - deyib Ralf Dazert.
