“MSC” Afrika ölkələrinin sakinlərinə tibbi yardım üçün üzən xəstəxananın yaradılmasında iştirak edəcək
“MSC Group” və onun fondu “Mercy Ships International” xeyriyyə təşkilatı ilə Afrikadakı insanları müalicə edəcək və yerli işçilərə tibbi təlimlər keçirəcək yeni üzən xəstəxananın layihələndirilməsi və tikintisi üçün müqavilə bağlamışdır.
“Seanews.az” xəbər verir ki, bu barədə gəmiçilik qrupunun press-relizində deyilir.
Gəmidə təxminən 600 heyət üzvü, tibb işçisi və xəstələri yerləşdirmək üçün yaşayış kayutları olacaq. Xəstəxana korpusu 7 min kvadratmetr sahəsi olan iki göyərtədə yerləşəcək. Bura altı əməliyyat otağı, tam təchiz olunmuş laboratoriya və müasir tibbi kadr hazırlığı mərkəzləri daxildir. “Mercy Ships”-in üzən xəstəxanası xəstələri 10 ay qəbul etmək üçün limanda qala bilər.
Üzən xəstəxanaların istismarı cərrahiyyə və təlim fəaliyyətlərini davamlı olaraq dəstəkləmək üçün böyük miqdarda ilk yardım ləvazimatlarının dəniz daşınmasını nəzərdə tutur. “MSC” və “Mercy Ships” şirkətləri 2011-ci ildən əməkdaşlıq edirlər: qrup logistika dəstəyi və yüklərin bütün xidmət limanlarına konteyner çatdırılmasını təmin edir. Afrikada logistika xidmətlərinin göstərilməsi ilə yerli gəmiçilik agentliyi “MSC” və “MSC və TiL” terminalları məşğuldur. Logistika, anbar və daxili daşıma “MSC” və “Medlog” tərəfindən təmin edilir.
“Mercy Ships” beynəlxalq qeyri-hökumət təşkilatı 1978-ci ildə yaradılıb. Onun fəaliyyəti dövründə dünyanın ucqar regionlarında xəstələrdə 117 mindən çox cərrahi əməliyyat aparılıb, 54,3 mindən çox tibb mütəxəssisi üçün əlavə təlim təşkil edilib.
