Ukraynanın Azərbaycandakı səfiri “Suraxanı” gəmi-muzeyinin qonağı olub
Ukraynanın Azərbaycandakı fövqəladə və səlahiyyətli səfiri Yuriy Husyev ASCO-nun “Suraxanı” gəmi-muzeyini ziyarət edib.
Səfir Yuriy Husyev gəmi-muzeyi gəzərək, buradakı zəngin eksponatlar və interaktivlərlə tanış olub. Ona Azərbaycanın dənizçilik irsi və “Suraxanı” gəmisinin bu irsin yaşadılmasındakı tarixi əhəmiyyəti izah olunub.
Bununla yanaşı, səfirə "Suraxanı" gəmi-muzeyinin nəşrlərindən olan “Bələdçi kitabı” və müxtəlif gəmi elementlərindən ibarət olan “puzzle” hədiyyə edilib.
Sonda səfir Yuriy Husyev “Suraxanı” gəmi-muzeyi ilə bağlı xoş təəssüratlarını “Fəxri qonaqlar kitabı”nda bölüşərək, muzeyin yaradılmasında zəhməti olan hər kəsə təşəkkürünü bildirib və yenidən ziyarət etmək arzusu ilə muzeydən ayrılıb.
© Materiallardan istifadə edərkən hiperlinklə istinad olunmalıdır
