Gəlirə görə ilk 10 ən böyük konteyner xətti bəllidir
2024-cü ildə gəlirə görə, on ən böyük konteyner xəttinin siyahısına “Maersk” və “CMA CGM” başçılıq edir.
“Seanews.az”“Container News”-a istinadən xəbər verir ki, bu daşıyıcıların hər biri keçən il 55,5 milyard dollar gəlir əldə edib.
Onları 32,3 milyard dollar gəlirlə “COSCO” izləyir.
Dördüncü və beşinci yerləri “Hapag-Lloyd” və “ONE” şirkətləri tutub. Onların gəlirləri müvafiq olaraq 20,7 milyard və 18,8 milyard dollar təşkil edib.
“Evergreen” 14,1 milyard dollar gəlirlə altıncı yerdədir.
“ZİM” və “HMM” siyahıda 7-8-ci yerlərdə qərarlaşıb. Onların gəlirləri müvafiq olaraq 8,4 milyard və 8 milyard dollar təşkil edib.
“Yang Ming” 6,9 milyard dollar gəlirlə 9-cu yerdədir.
“Wan Hai” keçən il 4,9 milyard dollar gəlirlə ilk onluğu tamamlayır.
Qeyd edək ki, “MSC” xətti gəmiçiliyi siyahıya daxil edilməyib. Bu daşıyıcı öz maliyyə göstəricilərini açıqlamır. Yalnız bir dəfə, 2023-cü ildə, İtaliyanın dəmir yolu operatoru “Italo”-nu almaq üçün tenderdə iştirak etmək istəyərkən “MSC” maliyyə göstəricilərini İtaliyanın “Il Messaggero” qəzetinə açıqlamaq məcburiyyətində qaldı. 2022-ci il üçün “MSC”-nin gəliri 86,4 milyard avro (91,1 milyard dollar) və mənfəəti 36,2 milyard avro (38,5 milyard dollar) təşkil edib.
