Lonq-Biç işlənən yüklərin həcminə görə təkcə Los-Anceles limanından geri qalır
2025-ci ilin aprel ayında ABŞ-ın Lonq-Biç limanında 867,493 TEU konteyner aşırılıb ki, bu da 2024-cü ilin eyni dövrü ilə müqayisədə 15,6% çoxdur. Bu rəqəm həm də 2022-ci ilin aprelində müəyyən edilmiş əvvəlki rekordu 5,7% üstələyir.
“Seanews.az” xəbər verir ki, liman administrasiyasının hesabatında belə deyilir.
Aprel ayında aşırılan idxal konteynerlərinin həcmi illik müqayisədə 15,1% artaraq 419 828 TEU təşkil edib. İxrac konteynerlərinin həcmi isə əksinə, 4,5% azalaraq 93 842 TEU olub. Limanda boş konteynerlərin aşırılması 23% artaraq 353 824 TEU-ya çatıb.
2025-ci ilin yanvar-aprel aylarında limanın konteyner ötürmə qabiliyyəti illik müqayisədə 23,6% artaraq 3,4 milyon TEU təşkil edib.
Qeyd edək ki, Lonq-Biç işlənən yüklərin həcminə görə ölkənin ikinci ən böyük dəniz limanıdır: keçən il limanın terminallarında 9,6 milyon TEU aşırılıb. 2024-cü ildə 10,3 milyon TEU ilə Los-Anceles limanı birinci yerdə olub.
