VLCC bazarında artım tendensiyası müşahidə olunur
İri tonnajlı xam neft daşıyan gəmilər – VLCC (Very Large Crude Carrier) üzrə bazarda güclü artım tendensiyası qeydə alınıb.
Analitiklərin qənaətinə görə, Yaxın Şərqdən xam neft ixracının artması ilin sonuna qədər bazarda sabit yüksəlişi dəstəkləyəcək. Ekspertlər bildirirlər ki, bu seqmentdə mövcud artım həm neft qiymətlərində dəyişikliklər, həm də üzən anbar tələbinin yüksəlməsi ilə daha da güclənə bilər.
Mütəxəssislər qeyd edirlər ki, bu il VLCC bazarında tariflər uzun müddət sabit həddin üzərində qalıb. Tarixi təcrübə göstərir ki, ilin son rübündə bu seqmentdə əlavə artımın baş verəcəyi gözlənilir.
Bazar müşahidəçilərinin fikrincə, VLCC seqmentində müşahidə olunan müsbət dinamika digər tanker növlərinə də təsir göstərə bilər.
© Materiallardan istifadə edərkən hiperlinklə istinad olunmalıdır
