Facebook”un sahibi gəmi alıb –
“Facebook”un yaradıcısı Mark Zukerberqə məxsus dəyəri 195 milyon dollar olan 107 metrlik lüks gəminin fotoları yayılıb. “Hürriyet”in xəbərinə görə, Zukerberq gəmini sentyabrda Monakoda təşkil olunan sərgidə bəyənərək gizli şəkildə alıb. “Ulyseses” adlanan gəmi xüsusi dizayn edilib. Belə ki, gəminin içərisində 24 metr uzunluğunda köməkçi gəmi, helikopter qarajı, motosiklet, 4×4 bir avtomobil var. Gəmi ilə ilin dörd fəslində səyahət etmək mümkündür. Belə ki, nəqliyyat vasitəsi fırtınaya, ən pis hava şəraitinə dözümlüdür. Gəminin aylıq xərci iki milyon dollardır. Məlumata görə, gəmi 2016-cı ildən satışa çıxarılıb. Məhz bu səbəbdən Zukerberq gəmini endirimlə 150 milyon dollara alıb. 33 yaşındakı Mark hazırda texnologiya dünyasının ən məşhur adamıdır. “Facebook” da 28% paya malik olan Zukerberqin sərvəti 74 milyon dollar civarındadır. Bu arada, Mark Zukkerberqin sözçüsü məlumatı təkzib edib. O bildirib ki, yayılan xəbərlər tamamilə qeyri-dəqiqdir.
