Titanik”in yemək menyusu hərracda 100 min funta satı
1912-ci ildə batmış “Titanik” gəmisinin ilk yemək menyusu İngiltərədə keçirilən hərracda 100 min funt sterlinqə satılıb. Qəzadan xilas olan kapitanın üçüncü köməkçisi Çarlez Liqtollerə aid olan menyunu Böyük Britaniyadan olan kolleksiyaçı alıb. Onun adı açıqlanmır. Kapitanın həyat yoldaşına əmanət etdiyi menyuda ət şorbası, toyuq, nanəli donuz basdırması, ispanaq, noxud, gül kələm, pudinq, qaynanmış kartof, sıyıq, şaftalılı şirniyat və kofe qeyd olunub. Xatırldaq ki, bundan əvvəl kapitanın beşinci köməkçisi Harold Louya məxsus eyni menyu tapılmışdı. Ancaq onun menyusu deformasiyaya uğradığı üçün 2004-cü ildə 28 min funt sterlinqə satılmışdı.
© Materiallardan istifadə edərkən hiperlinklə istinad olunmalıdır
