“FESCO” dəniz xəttini işə salıb
“FESCO” nəqliyyat qrupu Süveyş kanalı və Qara dəniz vasitəsilə “Deep Sea” boyunca dəniz xəttini işə salıb. Beləliklə, şirkət Rusiya və Çin arasında konteyner xidmətlərinin coğrafiyasını genişləndirərək, Uzaq Şərq limanları və dəmir yolu sərhəd keçidlərindən keçən marşrutlara xidmət əlavə edib.
“Seanews.az”ın məlumatına görə, “FESCO” “Black Sea Service” (FBSS) xətti Novorossiysk-İstanbul-Şekou-Ninbo-Şanxay-Sindao marşrutu üzrə və əks istiqamətdə fəaliyyət göstərir. Çin limanlarından yükün bir gəmidən digərinə aşırılması həyata keçirildiyi İstanbula gedən yolda tranzit müddəti 30-35 gün, Novorossiyskə isə 40-45 gündür. Göndərmə tezliyi iki həftədə bir dəfədir. Yük daşımalarının əsasını istehlak malları təşkil edir.
“FBSS” Rusiya və Çin arasında “Deep Sea” marşrutu üzrə ilk müntəzəm dəniz xidmətidir və öz işi üçün İstanbul limanındakı konteyner qovşağından istifadə edir.
