ADDA-da xalqımızın ümummilli lideri Heydər Əliyevin anım günü ilə əlaqədar tədbir keçirilib
ASCO-nun Azərbaycan Dövlət Dəniz Akademiyasında (ADDA) müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin anım günü ilə əlaqədar tədbir keçirilib.
Dövlət Himninin səsləndirilməsi ilə başlayan tədbirdə Ulu öndərin əziz xatirəsi bir dəqiqəlik sükutla yad edilib.
Tədbirdə çıxış edən Akademiyanın elmi işlər və beynəlxalq əlaqələr üzrə prorektoru Vüqar Sadıqov ulu öndər Heydər Əliyevin Azərbaycan xalqı qarşısında misilsiz xidmətlərindən söz açıb. Ölkəmizin məhz Ulu Öndərin uzaqgörən siyasəti sayəsində müstəqilliyini qoruyub saxladığını, parçalanmaqdan və xaosdan xilas olduğunu qeyd edib.
Akademiyanın Humanitar fənlər kafedrasının müdiri İlqar Abdullayev və həmin kafedranın baş müəllimi Elbrus Həşimov Ümummilli Liderin dövlətçilik irsi, Azərbaycanın inkişafındakı rolu və onun azərbaycançılıq ideyasından danışıblar. XXI əsrdə Heydər Əliyev siyasətinin davamçısı, dövlət başçımız İlham Əliyevin Azərbaycanın dünyada sayılan ölkələr sırasına daxil edilməsi, Vətənimizin ərazi bütövlüyünün bərpası, Qarabağ Zəfərinin xalqımıza bəxş edilməsi xüsusi qeyd olunub.
Sonda ADDA tələbəsi Firudin Həsənzadəyə Daxili Qoşunların Hərbi İnstitutunda Ulu Öndərin anım gününə həsr olunmuş “Heydər Əliyevin izində Vətən sevgisi” adlı yazı müsabiqəsində 3-cü yer tutduğuna görə fəxri fərman təqdim olunub.
