Filippin HDQ üçün inşa edilən ikinci freqat suya buraxılıb
Cənubi Koreyanın “HD Hyundai Heavy Industries” (“HD HHI”) şirkəti “Ulsan” gəmiqayırma zavodunda keçirilən mərasim zamanı Filippin HDQ üçün tikilən ikinci raket freqatı “BRP Diego Silang”ı suya buraxıb.
Ordu.az xəbər verir ki, “Miguel Malvar” sinfinə məxsus idarə olunan freqatlar “HD HHI”-nin “HDC-3100” layihəsinə əsaslanır və “Jose Rizal” sinfinə məxsus gəmilərin təkmilləşdirilmiş variantıdır.
Bu yeni sinfin müasir radar sistemləri, sensorlar və silahlarla təchiz olunmaqla, Filippin HDQ-nin dəniz əməliyyatlarında effektivliyini artıracağı gözlənilir.
Freqat sualtı qayıqlara qarşı döyüş qabiliyyəti ilə də seçilir. “Thales CAPTAS-1” sonar və “Hanwha Systems Naval Shield Combat Management System” kimi müasir texnologiyalarla təchiz edilən gəmi sualtı təhlükələrə qarşı daha təsirli olacaq.
“CODAD” hərəkət sistemi ilə “BRP Diego Silang” saatda 25 düyün sürət yığa və 20 gün dənizdə qala bilər.
