İran və Oman Hörmüz boğazında təhlükəsiz dəhlizlərlə bağlı razılaşmanı beynəlxalq quruma bildirəcək
İran və Oman Hörmüz boğazında gəmiçilik üçün təhlükəsiz dəhlizlərlə bağlı əldə etdikləri razılaşma barədə yaxın vaxtlarda səlahiyyətli beynəlxalq qurumu məlumatlandıracaqlar.
AZƏRTAC xəbər verir ki, bunu İran Xarici İşlər Nazirliyinin sözçüsü İsmayıl Bəqai bildirib.
Onun sözlərinə görə, Tehran və Maskat arasında aparılan məsləhətləşmələr uğurla nəticələnib və tərəflər Hörmüz boğazında təhlükəsiz dəhlizlərin coğrafi koordinatları ilə bağlı razılığa gəliblər.
İsmayıl Bəqai qeyd edib ki, tərəflər məsələ barədə səlahiyyətli beynəlxalq qurumun məlumatlandırılması qaydasına dair də qarşılıqlı anlaşma əldə ediblər. Müvafiq addımın yaxın vaxtlarda atılacağı gözlənilir.
© Materiallardan istifadə edərkən hiperlinklə istinad olunmalıdır
