Dünyanın ən böyük konteyner gəmisi ilk səfərinə çıxıb - VİDEO
Dünyanın ən böyük konteyner daşıyan gəmisi hesab edilən “MSC Gülsün” Malayziyanın Tanjung Pelepans Limanından ilk səfərinə çıxıb.
"Seanews.az" xəbər verir ki, nəhəng gəmiyə 19.574 TEU-lıuq konteyner yüklənib. Gəmi İspaniyanın Algeciras limanına doğru yola düşüb.
İndiyədək Tanjung Pelepans limanından bu qədər yüklə yola çıxan gəmi olmayıb. Bundan öncə "Maersk Monaco" gəmisinə 19.284 TEU yüklənmişdi.
Gəminin uzunluğu 400, eni isə 61,5 metrdir. Bu gəmiyə 24 ədəd konteyner yerləşir. Ümumi yükgötürmə qabiliyyəti 23.000 TEU-dur.
© Materiallardan istifadə edərkən hiperlinklə istinad olunmalıdır
