Finlandiya gəmiqayırma zavodu “Norilsk Nikel” üçün buzqıran gəmi tikməyə hazırlaşır
Finlandiyanın “Arctech Helsinki Shipyard” gəmiqayırma zavodu sanksiyalara baxmayaraq, “Norilsk Nikel” üçün buzqıran gəmi tikməyə hazırlaşır.
Bu barədə “Yule TV”-yə gəmiqayırma zavodunun icraçı direktoru Simo Rastas məlumat verib:”Bu gəmi Finlandiyada tikilmiş ən böyük və ən səmərəli buzqıran gəmi olacaq. Artıq ixraca lisenziya almaq üçün ölkənin Xarici İşlər Nazirliyinə müraciət edilib.”
Televiziya şirkəti izah edib ki, sənəd “sanksiyalar altında gəminin ixracına icazə almaq üçün” tələb olunur.
“Norilsk Nikel” ilə müqavilə sanksiyalar rejimindən əvvəl bağlanıb. Bu şərtləri nəzərə alaraq, tikinti mümkündür. İdarəedici direktor Xarici İşlər Nazirliyinin qərarını gözləyir.
Gəmi LNG ilə işləyəcək ki, bu da onun atmosferə emissiyalarını azaldacaq.
Buzqıran gəminin 2025-ci ilin qış mövsümünə qədər sifarişçiyə təhvil verilməsi planlaşdırılır. Buzqıran gəminin vəzifəsi dedveyti 20 000 tona qədər olan “Arc7” və “Arc5” buzqıran sinfinə aid gəmilərini Yenisey boyunca istiqamətləndirmək olacaq.
“Arctech Helsinki Shipyard” Finlandiyanın “STX Finland” şirkəti ilə Rusiyanın Birləşmiş Gəmiqayırma Korporasiyasının birgə müəssisəsidir. 80-ci illərin sonlarında Rusiyanın "Aysberq" Mərkəzi Konstruktor Bürosu onun bölməsi “Wartsila Marine Solutions” ilə əməkdaşlıq çərçivəsində gəmiqayırma zavodunda "Taimyr" və "Vaigach" nüvə buzqıran gəmilərini inşa edib.
