Hərbi Dəniz Qüvvələrinə minaatan gəmi təhvil verilib
Polşanın “Remontowa” gəmiqayırma şirkəti ölkənin Hərbi Dəniz Qüvvələrinə 2-ci “Kormoran-II” sinif minaatan gəmini təhvil verib.
Ordu.az xəbər verir ki, bu barədə şirkətin mətbuat xidməti məlumat yayıb.
“ORP Albatros” adlı gəmi təhvil verilməzdən əvvəl bir neçə aylıq təhvil və qəbul sınaqlarından keçib. Qəbul sınaqlarının uğurla başa çatması gəminin aşağıdakı əsas vəzifələri yerinə yetirmək qabiliyyətini təsdiqləyib:
Dəniz ərazilərində dəniz minalarını və digər obyektləri və partlayıcı maddələri aşkar etmək, müəyyən etmək və onlarla mübarizə aparmaq;
Dəniz rabitə yollarının təhlükəsizliyini təmin etmək;
Mina təhlükəsi olan ərazilərdə əməliyyatların aparılması;
Sualtı ərazilərdə ətraf mühitin qiymətləndirilməsi.
Gəmilərdən birincisi 5 il əvvəl Polşa Hərbi Dəniz Qüvvələrinə təhvil verilib. “ORP Kormoran” adlı gəminin istifadəsi zamanı əldə edilən təcrübə əsasında sonrakı gəmilərin inşasında bəzi dəyişikliklər edilib.
Qazanılan təcrübə nəticəsində “ORP Albatros” və sonrakı gəmilər dəniz ərazilərini yoxlamaq üçün yeni cihazlarla təchiz edilib. Bundan əlavə, gəminin artilleriya sistemi də müasirləşdirilib.
Polşa Milli Müdafiə Nazirliyi əlavə 3 “Kormoran II” sinif minaatan gəmininn tikintisi üçün müqavilə imzalayıb.
